Iftari u organizua në partneritet me shoqatën partnere IHH NL, në frymën e solidaritetit dhe bashkimit gjatë muajit të bekuar të Ramazanit.
Në këtë iftar morën pjesë:
Fëmijët jetimë
Fëmijët me aftësi të veçanta
Punëtorët e sektorit të pastrimit nga Moravica
Përfaqësues nga institucionet arsimore të shkollave shqipe
Përfaqësues dhe nxënës nga Medreseja e Luginës së Preshevës
Kryetari i Këshillit Nacional Shqiptar, z. Enkel Rexhepi
Përfaqësues të shoqërisë civile
Qytetarë nga Presheva dhe Bujanoci
Ky organizim ishte një moment i veçantë bashkimi, respekti dhe mirënjohjeje për të gjithë të pranishmit, duke forcuar lidhjet mes institucioneve, medresesë dhe komunitetit.
Faleminderim për IHH HOLLANDA
Shprehim mirënjohjen tonë të sinqertë për IHH NL për mbështetjen dhe partneritetin e vazhdueshëm në organizimin e këtij iftari.
Falë përkushtimit dhe kontributit tuaj, arritëm të ndajmë sofrën e iftarit me fëmijët jetimë, fëmijët me aftësi të veçanta, nxënësit e Medresesë së Luginës së Preshevës dhe shumë familje e qytetarë nga Presheva dhe Bujanoci.
