·
Sot patëm kënaqësinë e veçantë të presim delegacionin e WEFA-s nga Gjermania në ambientet e zyrës sonë me seli në Preshevë, pas arritjes së marrëveshjes së bashkëpunimit muaj më parë.
Me këtë rast, iu uruam mirëseardhje dhe i njoftuam nga afër me punën, misionin dhe angazhimin tonë të përditshëm, të cilin e realizojmë me shumë dashuri, përkushtim dhe përgjegjësi për familjet me fëmijë jetim, fëmijët me aftësi të veçanta dhe familjet në nevojë.
Po ashtu, theksojmë se pikërisht sot janë realizuar edhe aktivitetet konkrete në kuadër të këtij partneriteti, duke filluar zbatimin e projekteve të përbashkëta së bashku me përfaqësuesit e WEFA-s. Përmes këtyre projekteve, sot janë realizuar:
• Dhurimi i druve për ngrohje
• Dhurimi i veshmbathjeve për fëmijët jetim dhe fëmijët me aftësi të veçanta
• Shpërndarja e pakove ushqimore për familjet në nevojë
Falënderim i sinqertë për WEFA 
për besimin, mbështetjen dhe angazhimin e menjëhershëm, i cili sot u reflektua me veprime konkrete në terren, duke sjellë lehtësim dhe shpresë për shumë familje në komunitetin tonë.
Ky partneritet përforcon përkushtimin tonë që të ndihmojmë më shumë, më mirë dhe më afër njerëzve që kanë më së shumti nevojë.
